茶楼新式点心体验

2026年2月27日 星期五 晴

今日晏昼，同老友去咗常帮衬嘅茶楼。坐低就叫咗三样最近成日刷到嘅“网红点心”，心思思试下系咪真系咁巴闭。

第一笼系“金沙虾饺”。外表同普通虾饺差唔多，一啖落去就知内有乾坤。成层咸蛋黄沙喺个口里面化开，几香口，但系抢咗虾嘅鲜甜。食一只好过瘾，第二只就开始觉得有啲滞，一定要饮啖浓普洱送佢。

好吃

好吃+1

跟住上嘅系“脆皮红米肠”。阿姐仲提醒我趁热食。外层红色肠粉皮好烟韧，中间层金色网皮真系卜卜脆，咬落去“索索”声，几过瘾。入面嘅虾都几新鲜弹牙。我钟意点少少豉油，朋友就中意蘸花生酱。口感系几得意，不过我觉得，旧式嘅鲜虾肠粉嗰种纯粹嘅滑嫩，好似更耐食。

好吃+2

最后嗰个“杨枝甘露布丁”反而有惊喜。表面睇似普通啫喱，一勺子督到底，将芒果冻、椰奶层同底下嘅西米、柚肉一齐全捞起。冰凉清爽，甜度刚好，芒果味好浓，西柚肉一丝丝嘅酸味中和得好好，食完之前啲炸嘢，呢个真系一流嘅收尾。

好吃+3

好吃+3+1

食完同老友吹水，觉得呢啲新式点心，就好似后生仔玩嘅新嘢，花样多，够刺激。但饮茶嘅乐趣，始终系嗰份慢慢嚟、吹下水嘅惬意。旧嘅又好，新嘅又好，最紧要系食得开心。马年伊始，都系一句：最紧要是平安、健康，得闲多啲一齐饮茶啦。